Wednesday, 6 April 2011
सोमदेवची आगेकूच
भारताचा युवा टेनिस स्टार सोमदेव देवबर्मन याने आपल्या क्ले कोर्टच्या यंदाच्या हंगामाची यशस्वी सुरूवात केली असून यूएस पुरूष क्ले कोर्ट चॅम्पियनशिपच्या दुसऱ्या फेरीत धडक मारली आहे. पहिल्या फेरीत सोमदेवने अमेरिकेच्या रॉबर्ट केन्द्रिक याचा 6-2,6-1 असा सरळ सेटमध्ये पराभव केला. यापूर्वीही सोमदेवने केन्द्रिकला 2008 साली झालेल्या सामन्यात नमवले होते. सध्या सोमदेव जागतिक रॅंकिंगमध्ये 71 व्या स्थानावर असून केन्द्रिकचे रॅंकिंग 80 आहे.
आता दुसऱ्या फेरीत सोमदेवची गाठ तृतीय मानांकित आणि जागतिक क्रमवारीत 26 व्या क्रमांकावर असलेल्या स्पेनच्या गुलिर्मो ग्रेसिया-लोपेझशी पडणार असून सोमदेवच्या दृष्टीने हा सामना अत्यंत महत्त्वपूर्ण ठरणार आहे. लोपेझला पहिल्या फेरीत बाय मिळाला होता.
Subscribe to:
Post Comments (Atom)
No comments:
Post a Comment