जर्मनीच्या सबिने लिस्कीवर सरळ सेट्समध्ये मात करत भारतीय टेनिस स्टार सानिया मिर्झाने फॅमिली सर्कल ओपन टेनिसच्या उपांत्यपूर्व फेरीत धडक मारली आहे. आज सायनाने वाइल्ड कार्डद्वारे आलेल्या लिस्कीचा ६-४,६-४ असा सहज पराभव केला.

आता ७,२१,०० यूएस डॉलर इनामी राशी असलेल्या या स्पर्धेच्या उपांत्यपूर्व फेरीत सानियाची गाठ ११ व्या मानांकित चीनच्या शूआई पेंगची पडणार आहे. पेंगने या स्पर्धेत धक्कादायक निकाल नोंदवताना रशियाच्या सातव्या मानांकित नादिया पेत्रोवाला हरवले आहे.

एकेरीसोबतच दुहेरीतही सानियाने आगेकूच कायम ठेवली असून आपल्या रशियन जोडीदीर एलेना वेस्नेना हिच्यासमवेत उपांत्यपूर्व फेरीत प्रवेश केला आहे.